POESIA ” U CENTRU SILOE”

 

 

 

“U CENTRU SILOE”

Sagghiendu e fundavalla ppe a Sila, partendu e Catanzaru,

tra Taverna e Magisanu, ti trovi nu paisa e nomu “Vincolisa”

N ta stu paisa,chi, on tutti sannu duv’è sorgia u “Centru Siloe.”

E’ nu centru evangelicu cristianu,  duva tutti dunanu e ti dunanu na manu.

E…grazie all’ amuri versu u Signuri é’ gestitu e nu gruppu e guagliuni.

Chi meravigghia!!! È u centru ideala ppe a famigghia!!

Chi cerca pacia, serenità e amuri, nta fede ppo Signuri.

Ma puru si si sulu, u stessu poi venira, nessunu mai fora ti  cacciera’.

 Che bellu ma passi na jornata ccà,  preghi…mangi… balli e puru canti

insomma si fa’ festa insieme, tutti quanti.

Quantu campeggi, escursioni, eventi e attività, volendu poi organizzara,

C’è nu staff veramenta all’altizza chi, tuttu ti prepara.

Karaoki, arrusti, e alu furnu a ligna volendu, puru a Pizza.

E poi quandu cala a sira, do paliu esternu, guardandu i munti da Sila ,

nto silenziu da notta,ti rivolgi a Dio dicendu :”Ti ringrazio che sono  qui anch’io.”

Ma tornamu a ccu gestiscia, ca non certu cu chistu s’ arricchiscia.

Sutta a guida do Signura.

Non certu và misu e parta n’Toni u Pastora,

chi ccu l’aiutu do figghiu Marcolinu, insegnanu a Parola e Dio, u  Divinu.

Ma mo basta ccu tutti sti paroli, famigghi interi o genti suli,

 ccu i vostri occhi aviti  veniri a vidiri, e ccu i mani e toccari ccà

si chiddu vi dicu è verità.

Stu centru è l’ ideali ppe stara in pacia ,lodari, pregari Diu  e per puru divertiri.

Allora!!! venitici a trovari ,nui!!!  cca simu , a vui ad aspettari

Famigghi interi o genti suli, unitivi a nui e a li pastori

A lodari Diu u Signuri.

 

 

23/ 10/2022

                                                                                                                        Luigi Narciso

Logo El Shaddai

Chiesa Cristiana Evangelica
El Shaddai

El Shaddai tutto il materiale è Copyright - E' vietata anche la duplicazione anche parziale - Privacy Policy